नेपालअखबार, काठमाडौं । नेकपा एकीकृत समाजवादीका सांसदहरूले बधाई साटासाट गरेका छन् । नेकपा एकीकृत समाजवादीको केन्द्रीय कार्यालयमा आयोजित एक कार्यक्रममा निर्वाचित सांसदहरूले बधाई साटासाट गर्नुभएको छ ।
अध्यक्ष माधव कुमार नेपाल, सम्मानित नेता झलनाथ खनाल सहित पार्टीका नेताहरु सहभागी कार्यक्रममा प्रदेश तथा प्रतिनिधि सभाका सांसदहरूले एक अर्कालाई माला लगाइदिएर बधाई तथा शुभकामना आदानप्रदान गर्नुभएको थियो ।
नेकपा एकीकृत समाजवादीका प्रतिनिधि सभा तर्फ १० जना सांसद तथा प्रदेश सभामा प्रत्यक्ष र समानुुपातिकका २५ सांसद् रहेका छन् ।
निर्वाचित सांसदहरूलाई सफल कार्यकालको शुभकामना दिँदै पार्टीका अध्यक्ष माधवकुमार नेपाल सम्मानित नेता झलनाथ खनाल महासचिव डा. वेदुराम भुुसालले बधाई तथा सफल कार्यकालको शुुभकामना दिनुभएको थियो ।
नेताहरुले सांसदहरूलाई पार्टीको नीति सिद्धान्तअनुसार काम गर्न पनि निर्देशन दिएका थिए ।
